• Óútvatnaður saltfiskur – Ef geyma á fiskinn eftir söltun í einhvern tíma er æskilegt að taka hann upp, hrista af honum saltið og strá nýju salti á flökin þegar þau eru sett í geymsluumbúðir. Mikilvægt er að geyma fiskinn í lokuðu íláti við kældar aðstæður (0-4°C) og ef vel hefur verið staðið að allri vinnslu og hreinlæti eru góðar líkur á að gæði varðveitist í marga mánuði.
• Útvatnaður saltfiskur – Geymist í kæli (0-4°C) í nokkra daga líkt og ferskur eða léttsaltaður fiskur. Ef hann á að geymast lengur, er best að frysta hann. Þannig getur hann geymst í einhverja mánuði.
• Léttsaltaður fiskur – Geymist í kæli (0-4°C) í nokkra daga líkt og ferskur eða útvatnaður fiskur. Ef geyma á hann lengur, er best að frysta hann. Þannig getur hann geymst í einhverja mánuði.

Hvernig er best að afþíða fisk?

• Hvort sem þú er með frosinn ferskan, léttsaltaðan eða útvatnaðan saltfisk er best að leyfa fiskinum að þiðna í kæli í nokkra klukkutíma.